Կարծես թե դարձել եմ ես տուն,
Բոլորն առաջվանն է կրկին,
Նորից դու հին տեղը նստում,
Շարժում ես իլիկը մեր հին:
Մանում ու հեքիաթ ես ասում,
Մանում ես անվերջ ու արագ,
Սիրում եմ պարզկա քո լեզուն,
Ձեռներըդ մաշված ու բարակ։
Նայում եմ, մինչև որ անզոր
Գլուխըս ծնկիդ է թեքվում,
Նորից ես մանուկ եմ այսօր,
Դրախտ է նորից իմ Հոգում։
Արևը հանգչում է հեռվում,
Գետից բարձրանում է մշուշ,
Հեքիաթըդ անվերջ օրորում,
Իլիկըդ խոսում է անուշ…
Այս բանաստեղծության մեջ կա կարոտ, հուշեր, տխրություն։
Գրի՛ր նշված բառերի հոմանիշները
կրկին — նորից
անվերջ — անծայր
նայել — տեսնել
անզոր — թույլ
մանուկ — երեխա
արև — արեգակ
հանգչել — մարել
մշուշ — մեգ